The Lamka Post June 08, 2008
Chawilien Cancer damdoi la tuni’n tampen lai ding,Hospital OPD ki-ensak leh line bus service kiam zou hial; Khristian a kipia om
LAMKA, June 7: Chawilien Cancer Medicine Research Agency Saikot khua ah cancer damdawi la apaisa June 2 apan Imphal area, Moreh area leh mun tuamtuam apan cancer damdawi la tam deuhdeuh a, niteng in mi 7000/8000 velbang in la uhi. Tuni Kiginni in ni dang teng sang in tamzaw a, sunma dak 11:00 apan sunnung dak 1:30 kikal in mipi leh gari tamluat ziak in traffic buai zou hial in a saite’n SDPO/CCpur kiang ah Police duty ding tanpha va ngen mahle uh police duty bel kimulou hi. Hun bangtan hiam nung in bel garite kikhin khe thei in veng thei nawn hi.
LAMKA, June 7: Chawilien Cancer Medicine Research Agency Saikot khua ah cancer damdawi la apaisa June 2 apan Imphal area, Moreh area leh mun tuamtuam apan cancer damdawi la tam deuhdeuh a, niteng in mi 7000/8000 velbang in la uhi. Tuni Kiginni in ni dang teng sang in tamzaw a, sunma dak 11:00 apan sunnung dak 1:30 kikal in mipi leh gari tamluat ziak in traffic buai zou hial in a saite’n SDPO/CCpur kiang ah Police duty ding tanpha va ngen mahle uh police duty bel kimulou hi. Hun bangtan hiam nung in bel garite kikhin khe thei in veng thei nawn hi.
Saikot khua ah sun leh zan chih omnawnlou in HYA/YMA Saikot, Mualvaiphei leh Rengkai in damdawi bawlna kithkuahpih ua, damdawi la a kuan khen khat in leng vaseppih hial uhi. Mipi damdawi la ding a tamtak line a kikhung in damdawi bawl zoh masak hawm tawm zel uhi. Nahpa teh atzan masa in mun 10 ah sum in su ua, huai zoh chiang in suk khe zel uhi.
Thutut kingah dan in, huai kim ah Chawilien bawl hilou damdawi kibawl thawl tamtak kizuak a mipi tamzaw in huai lei utlou in Chawilien a mah lei ut ua, a vangkim in bel mi’n leizel uhi. Tulai in zingkal dak 5:30 apan nitaklam dak 5:30 tan hawm ua, damdawi la ding in Imphal leh a kim leh kiang apan nitak zan sawtnung tan a kuan in Saikot khua ah giak lut ua, huai ziak in Lamka khopi sung leng nitak dak 12 nung apan Saikot kho lam zuan a tamluat ziak un khopi sung hulum zou mahmah hi’n leng thutut kingah hi.
Damdawi la ding a hongkuan tamzawte’n Lamka - Imphal bus a reserve ziak un line bus leng tawm tuan mahmah a, District hospital a OPD a ki-en sak leng nidang sang in tawmzaw hi. Damdawi ne a cancer, zunkhum, kongna leh natna dangdang damsiang leng tamtak omta chih Committee apan kiza a, zan in leng Wangwoo Imphal apan cancer a damlou khat dam in kipak petma a, “ka innkuan un Khristian ka hita ding uh” chi hial hi’n gen uhi.
Teen Star honkhiak hita; lasiam 66 kihel
Teen Star honkhiak hita; lasiam 66 kihel
No comments:
Post a Comment